Call us at +250 784 261 800
E-mail: info@bethelchurches.net

Inyigisho

Inyigisho zose mwazisanga hano

Apostle NKURUNZIZA François

UBWIZA

Luka 9:28-36 “…Abantu babiri bavugana na we, ari bo Mose na Eliya, baboneka bafite ubwiza bavuga iby’urupfu rwe, urwo agiye kuzapfira i Yerusalemu…Ijwi rivugira muri icyo gicu riti “Nguyu Umwana wanjye natoranije mumwumvire.” Iryo jwi ricecetse babona Yesu ari wenyine,”…

Igihe bari bahagararanye na Yesu ku musozi wo guhindurirwaho, Eliya yashushanyijwe nk’ abahanuzi naho Mose ku rundi ruhande yerekanwa mu ishusho y’amategeko. Mu kanya gato cyane abo bose barabuze hasigara Yesu gusa, kuko ashimangira amategeko n’ubuhanuzi. Nyuma ijwi ry’Imana Data ryumvikanye rihamiriza umwe wenyine ukwiriye kuramywa kandi uwo ntiyari Mose cyangwa Eliya ahubwo yari Yesu Kristo.

Mose na Eliya bo mu isezerano rya kera bari bameze nk’ibyerekezo biyobora k' Umucunguzi w’umwana w’umuntu nyiri zina. Ntidukwiye kugarukira ku byapa bituyobora aribyo bishobora kuba amadini yacu, amazina twahawe ahubwo dukwiye kugera kure, ku isoko nyayo y’agakiza ariyo Yesu Kristo Umwami ubwe.

Ibyanditswe byose waba ufite igihe cyose udafite Yesu ntacyo byakugezaho keretse wizeye Yesu Kristo.

2 Petero 1:16-18; “Burya ntitwakurikije imigani yahimbwe n’ubwenge, ubwo twabamenyeshaga imbaraga z’Umwami wacu Yesu Kristo no kuzaza kwe, ahubwo twiboneye n’amaso yacu icyubahiro cye gikomeye, kuko yahawe n’Imana Data wa twese ishimwe n’icyubahiro, ubwo ijwi ryavugiraga mu bwiza bukomeye cyane rimubwira riti “Nguyu Umwana wanjye nkunda nkamwishimira.” Iryo jwi twaryumvise rivugira mu ijuru, ubwo twari kumwe na we kuri wa musozi wera.”

Ntushobora guhamya ubwiza utigeze ubamo, niyo mpamvu tugomba gusaba Imana ikatwereka ubwiza bwayo kugirango tubashe kugaragaza impinduka mu batuzengurutse. Abatuzengurutse bashobora guhindurwa n’abahinduwe by’ukuri n’ubwiza bw’Imana.

1Petero 4:14 ; “Ubwo mutukwa babahōra izina rya Kristo murahirwa, kuko Umwuka w’ubwiza aba kuri mwe, ari we Mwuka w’Imana.”

Yesu yasubiye mu ijuru ariko Umwuka we ntiwasubiranyeyo nawe, ahubwo Umwuka w’Imana ariwo Mwuka w’Ubwiza yaramanutse ngo agumane natwe ubudasubirayo kandi yazanye ubwiza bw’Imana ku bamwizeye. Mbere yo gusubira mu ijuru kwa Yesu Kristo, ubwo bwiza bwariho. Nuko rero, nkuko Kristo atahindutse n’ubwiza bwe nabwo ntibwahindutse.

Kugeza iki gihe, aho ubwo bwiza bugaragaye, ubwoba, agahinda, urujijo cyangwa uburwayi ubwaribwo bwose burahunga, kuko ubu Bwiza buzana ukubaho kw’ijuru.

Uyu munsi nta kindi kintu ukeneye, yaba idini cyangwa igifatika icyaricyo cyose ibyo byose nta mpinduka zifatika bizana mu buzima bwawe; ahubwo ukeneye gusabana n’Umwami w’ubwiza, Yesu Kristo ubwe nicyo ukeneye kandi bitanga amahoro asaga mu mutima n’umunezero mu buzima.

Umwanditsi

Inyigisho mu majwi
Izindi Nyigisho

UBWIZA

Sun.Aug.2017

UGUKOMERA KW'IMANA

Sun.Jul.2017

UBWIRU BW'UKWIZERA

Fri.Jul.2017

UMUGAMBI W'IMANA

Sun.Jul.2017

UKWERA GUFITE INTEGO

Sun.May.2017

IMFATIRO NSHYA

Wed.Jun.2017

IMBARAGA ZIDUKORERAMO

Sun.May.2017

KWEZWA

Fri.Jun.2017

PASIKA

Sun.Apr.2017

IMIGANI Y’UBWAMI

Wed.Apr.2017

IBIHAMYA

Fri.Apr.2017

UBUTUMWA BWA HAGAYI

Sun.Jun.2017

IMFATIRO NSHYA

Wed.Jun.2017